Зачленете се во нашиот клуб на читатели и најновите текстови ќе ги добивате на вашата мејл адреса
Во малата сала на Центарот за култура, вечерва во 19 часот ќе се одржи поетско-музички перформанс „Тишината на тешкото“, осврт на делото на Блаже Конески, но и на фолклорните танци како нематеријално културно богатство.
Идејата била на еден поинаков, уметнички начин да се одаде почест на Конески, кој има напишано многу дела, а најчесто инспирација црпел од од народното творештво, од митското минато на нашиот народ, од историјата, легендите и љубовта.
„Со колегата Дени Синадиновски имавме идеја да организираме вечер со фолклорни елементи, но не на оној класичен начин и настап на играорна група, туку нешто поразлично. Така и ја создадовме „Тишината на тешкото“ како симбиоза на поемата на Конески и најпознатото македонско оро. Актерката Сара Спиркоска ќе интерпретира дел од поезијата и делото на Блаже Конески, а балетските уметници Сара Цветковска и Бобан Русески, преку танц ќе претстават дел од македонскиот фолклор. Очекуваме интересна вечер, за која имаме верба дека ќе и се допадне на публиката“, истакна директорот Сашо Тодоровски.
Ова е еден од последните програмски проекти на НУЦК „Трајко Прокопиев“ за тековната година. Проектот е организиран под покровителство на Министерството за култура и туризам.
Зачленете се во нашиот клуб на читатели и најновите текстови ќе ги добивате на вашата мејл адреса
