Поевтинуваат бензинот и дизелот

Еуросупер бензините од 95 и 98 октани поевтинуваат за 1,5 денари за литар, Екстра лесното масло за 1 денар, а Дизел горивото за половина денар од вечерва на полноќ. 

Мазутот ќе се продава за цена пониска за 0,948 денари за килограм. Така одлучи Регулаторна комисија за енергетика, водни услуги и услуги за управување со комунален отпад на денешната седница, а намалувањето е во просек 1,64 посто.

Највисоките малопродажни цени на нафтените деривати и горива за транспорт, изнесуваат:

- Моторен бензин - ЕУРОСУПЕР БС - 95 - 75,50 (денари/литар)

- Моторен бензин - ЕУРОСУПЕР БС – 98 - 77,50 (денари/литар)

- Дизел гориво - ЕУРОДИЗЕЛ БС (Д-Е V) - 68,50 (денари/литар)

- Масло за горење - Екстра лесно 1 (ЕЛ-1) - 68,00 (денари/литар)

- Мазут М-1 НС - 42,985 (денари/килограм)

Референтните цени на нафтените деривати на светскиот пазар во споредба со претходната пресметка бележат намалување- бензините за повеќе од 4 проценти, а кај дизелот намалувањето е над 1 посто.