Поставена е нова урбана опрема на Градскиот кеј во Куманово

Се најавува дека вака урбана опрема ќе се постави и на други локации во градот.

„Апелирам до сите граѓани, да го чувствуваат и чуваат јавниот имот како свој, бидејќи тој е наменет за сите нас, а воедно да го пријавуваат и осудуваат вандалското и несовесно однесување на поединци кои постојано го уништуваат. Верувам дека единствено со заеднички заложби можеме целосно да го заштитиме нашиот заеднички имот“, повика градоначалникот Максим Димитриевски.

Урбаната опрема е постојано на мета на вандали во градот, поради што се трошат значителни средства за нејзина замена. Граѓаните бараат насилниците да се казнат, а опремата да се заштити од надлежните служби или да се постави видео надзор.