Зачленете се во нашиот клуб на читатели и најновите текстови ќе ги добивате на вашата мејл адреса
Градоначалникот Куманово Максим Димитриевски, вели дека повеќе од сигурен е дека ќе победи на локалните избори, затоа што граѓаните на Куманово ја препознаваат неговата работата.
„Планирам да победам на локалните избори и повеќе од сигурен сум дека ќе победам, бидејќи луѓето ја препознаваат мојата работа. Сакам да ја преземам и довршам улогата на некој вид на „хаусмајстор“ на градот“, истакна Димитриевски во Утрински брифинг.
Тој истакна дека Куманово со години наназад поприлично е запоставено во однос на капиталните инвестиции и сака да го реши најголемиот дел од комуналните проблеми со кои граѓаните се соочуваат.
„Мојата мисија е да им служам на кумановци и во секој момент имам право да го искажам своето мислење и видување за круцијалните и најважни прашања што се од државен или од национален интерес, бидејќи секогаш, во секој момент државниот и националниот интерес го ставам пред сѐ“, изјави Димитриевски.
Тој се заблагодари на граѓаните кои позитивно се изјасниле за наговата работа и се најде меѓу трите најдобри градоначалници во државата, а тоа же му биде мотив да продолжи со работата.