Повик до младите креативци да пријават свои проекти во Центарот за култура

„Дали тоа ќе биде концерт, изложба, промоција на книга или било каков уметнички перформанс, имаат можност да дојдат во Центарот за култура, и ние со наши средства колку сме во можност ќе им помогнеме сето тоа да се изрекламира и реализира се со цел
да имаат убав настан со кој ќе се сеќаваат и ќе го види пошироката публика“, рече Сашо Тодоровски, директор во НУЦК „Трајко Прокопиев“.

За претходниот повик за волонтирање во Центарот за култура има интерес од младите, па надлежните се надеваат дека овој повик ќе побуди желба за соработка.

„Се пријавија неколку млади луѓе, ние се надеваме дека бројката ќе се зголеми. Целта е да се запознаат со работата на настаните во Центарот за култура, да волонтираат, да ни помогнат и на нас и да се стекнат со драгоцено искуство кое сум сигурен дека ќе имаат придобвка и дека ќе им значи за во иднина“, додаде Тодоровски.