Зачленете се во нашиот клуб на читатели и најновите текстови ќе ги добивате на вашата мејл адреса
Попладнево во 18.30 часот по трет пат се разгори пожарот во селото Ваксинце, Општина Липково, кај Месноста Врело. Таму се наоѓаат резервоарите за гориво на Макпетрол.
„Денес во раните утрински часови, повторно таму каде што беше претходно пресечен се запали. Брзо и професионално од страна на ТППЕ Куманово е дејствувано и изгаснато до 12 часот. Во 18.30 часот по трет пат е запалено и во овој момент правецот на пожарот се движи кон складот за течно гориво на Макпетрол“, соопштуваат од ЦУК.
Екипите на ТППЕ Куманово се повторно на терен во с. Ваксинце и се борат за да спречат загрозување на објектите, животот и здравјето на жителите.
Овој дел гореше и пред десетина дена кога екипите на ТППЕ Куманово го изгасија и не дозволија негово проширување.
Зачленете се во нашиот клуб на читатели и најновите текстови ќе ги добивате на вашата мејл адреса
