Зачленете се во нашиот клуб на читатели и најновите текстови ќе ги добивате на вашата мејл адреса
Не станува збор за утопија и обична 3Д презентација, работите можат да се движат во вистинска насока ако се има желба, волја и иницијативност, објави на својот Фејсбук профил пратеникот Мартин Костовски, најавувајќи реконструкција и доградба на Градскиот стадион во Куманово, кој сега се наоѓа во очајна состојба.
„Оваа е идејно решение за модерен фудбалски стадион со 3 трибини со капацитет од 5 илјади гледачи. После 20 години градски фудбалски стадион е вратен во сопственост на општина Куманово. Моментално се наоѓа во многу лоша состојба, општината во наредниот период ќе има можност да изврши реконструкција со дополнителна изградба на стадионот. Во Куманово се игра фудбал 100 години, заслужуваме како спортски град да се врати фудбалот на голема врата. Ако не веруваш во големи работи и успеси, нема да можеш да сработиш ништо во животот“, објави Костовски.
Тој во објавата не наведува дали иницијатива ја покренува како пратеник и од каде ќе најде пари за реализација на проектот. Костовски последниот месец понуди видоа анимации и решенија за хотелите Кристал и Ку-ба и уредување на бањаскиот комплекс „Вруќа вода“. Во неговите јавни промоции за решавање на проблеми кои со децении се нерешливи, граѓаните препознаваат градоначалничка амбиција.
(С.Н.)
Зачленете се во нашиот клуб на читатели и најновите текстови ќе ги добивате на вашата мејл адреса
