Зачленете се во нашиот клуб на читатели и најновите текстови ќе ги добивате на вашата мејл адреса
По завршувањето на Новогодишните и Божиќни празници започна метежот на граничниот премин Табановце за излез од државата. Си заминуваат главно нашинци кои ги поминаа празниците со семејствата, но има и возила кои транзитираат низ Македонија.
Метежот почнал за викенд, а веќе се чувствува постепено намалување на притисокот на возилата.
„За влез во државата нема воопшто гужва и задржувања, само колку да се завршат неопходните проверки и гранични формалности. За излез пак работат 5 ленти непрекинато, на секоја има по триесетина возила и се чека по околу 1 час на границата. Екипите и на полицијата и на царината работат со полна пареа и се трудиме што побрзо да ги опслужиме патниците “, велат од ГП Табановце.
Традиционално се очекува метежите и подолгите задржувања да завршат до почетокот на следната недела, најдоцна до 15 јануари.
Зачленете се во нашиот клуб на читатели и најновите текстови ќе ги добивате на вашата мејл адреса
