Препукување Димитриевски - Груби: Kој барал помош од Будимпешта?

Прозивката ја почна Димитриевски, кој го повика Груби да каже како поминал во Будимпешта, откако беа изгласани измените во Кривичниот законик со кој се намалува казната за функционерите кои ќе бидат осудени за злоупотребат службената положба.

„Јас имам само едно јасно и многу директно прашање, до господинот Артан Груби, само да објасни на јавноста и да каже како поминал во Будимпешта и да даде детали на што се должела посетата, доколку е точно?! Во оваа држава се прават многу непринципиелни разговори и многу непринципиелни коалиции", кажа Димитриевски.

На ова реплицираше Груби, кој побара јавно извинување и рече дека никогаш не бил во Унгарија, но го праша Димитриевски дали од  Будимпешта ги добил гласовите за локалните избори.  
 
„Дај кажи им на твоите дали  во Будимпешта договори ВМРО да ти ги даде гладовите на локалните избори на кои стана градоначалник на Куманово“, праша Груби. 

Преписката продолжи и денеска кога Димитриевски, пак, сака да знае дали постоел договор помеѓу коалиционите партнери да се обратат во Будимпешта, заради обезбедување на пратеници кои ќе гласаат за уставните измени. 

„Дали е точно дека е одржана средба меѓу тесното раководство на СДСМ и ДУИ на која е одлучено да се побара помош од Будимпешта? Дали е точно дека на таа средба е одлучено лице за контакт со Будимпешта да биде г-динот Груби? Дали е точно дека за помошта од Будимпешта, побарано е закон за "амнестија" (актуелните измени на членовите во КЗ) и обезбедување на дополнителен број на пратеници за уставни измени“, прашува Димитриевски.