Зачленете се во нашиот клуб на читатели и најновите текстови ќе ги добивате на вашата мејл адреса
Кумановскиот театар со претставата „Секс и лаги“ во режија на Драгана Таневска утре ќе гостува во Народниот театар „Антон Панов“ во Струмица.
Оваа комедија е работена според текстот „Секс и љубомора“ на Марк Камолети и е спој помеѓу интригата и моралот, вистината и лагата во која конфликтот на интереси произнесува чувства, реакции и односи кои ги прават ситуациите комични.
„Поради голема гледаност и заинтересиреаност на публиката оваа ќе биде деветта реприза на претставата, која премиерно беше изведена на Фестивалот „Денови на комедија“ во 2022година. Претставата досега гостуваше во Штип, Кавадраци, Гевгелија, Крива Паланка на Фестивалот „Јоаким Осоговски“ и Неготино. Има добиено награда за најдобра претстава на Фестивалот „Денови на комедија“ минатата година“, изјави Сашо Тодоровски, директор на Центарот за култура.
Во претставата играат: Марко Трајковиќ,Анастасија Величковиќ,Жарко Јовановиќ,Нина Максимова,Александра Михајловска, Никица Јанковски.
Зачленете се во нашиот клуб на читатели и најновите текстови ќе ги добивате на вашата мејл адреса
