Зачленете се во нашиот клуб на читатели и најновите текстови ќе ги добивате на вашата мејл адреса
На граничниот премин Белановце, на македонско-косовската граница, при влез во државата полициски службеници ги лишиле од слобода Г.Ј.(65 ) возач и Е.Р.(38) совозач, двајцата од Албанија, кои биле со патничко моторно возило „пежо“ со албански национални ознаки.
„При вршење на пасошка контрола,Е.Р. дошол до кабината каде на полициски службеник му дал патни исправи и зелен картон. При проверка на документите, полицискиот службеник забележал дека во зелениот картон била ставена банкнота од 10 евра, по што Е.Р. рекол дека тие се за него за да го пушти, бидејќи бил истечен рокот на зелениот картон. Е.Р. веднаш бил лишен од слобода. При извршен преглед на возилото била пронајдена марихуана и дробилица“, соопштуваат од СВР Куманово.
Поради постоење основи на сомнение за сторени кривични дела по чл.358 и чл.215 од Казнениот закон на Македонија Е.Р. И Г.Ј. се лишени од слобода.
Известен бил Јавен обвинител и тие биле предадени на полициски службеници на СВР Куманово за понатамошна постапка.Против нив ќе биде поднесена соодветна кривична пријава.
Зачленете се во нашиот клуб на читатели и најновите текстови ќе ги добивате на вашата мејл адреса
