Проблемот со дуќаните во Занаетчискиот дом го кочи отворањето на сувенирница во Куманово

Ова прашање повторно се актуелеизираше на Саемот на занаетчиски производи, кој се одржа во Центарот за култура, во организација на Регионалната занаетчиска комора, Фондацијата за развој на мали и средни претпријатија и Општина Куманово.
 
 Општината планира сувенирница да се отвори во просториите на Занаетчискиот дом, во центарот на градот, но никако да  го релизира ветеното .

„Што се однесува до просторот за сувенирница Општина Куманово сè уште води постапка за ослободување на постоечките локали од фирмите кои со години ги користат, а дел од нив во моментот се урузпирани. Кога ќе бидат ослободени тие деловни простори со одлука на Советот една од тие простории ќе биде наменета за сувернирница, која ќе биде финансирана од страна на Општината, а Здружението на занаетчии и Регионалната занаетчиска комора ќе има свој простор кадешто ќе може да ги истакне сите свои ракотворби. Граѓаните и од нашиот град и од другите градови кои не посетуваат ќе можат да си купат одредени сувенири, ракотворби кои се ценети во овој момент“, изјави градоначалникот Максим Димитриевски. 

Општина Куманово веќе четврта година води судска постапка за враќање во владеење на дуќаните коишто се во состав на Занаетчискиот дом. 

Во сувенирницата е планирано да има производи од сите занаети-кујунџии, грнчари, опинчари, ракотворби од вез и накит. 

Куманово има преку 30 стари занаети и уникатни ракотворби и предмети од рачна изработка кои се автентични за неговото подрачје. Отварањето на сувенирницата би придонела и за промоција на туристичкиот потенцијал на градот.