Зачленете се во нашиот клуб на читатели и најновите текстови ќе ги добивате на вашата мејл адреса
По 3,5 месеци пауза, од денеска започна со работа Градскиот базен во Куманово. Од ЈП „Куманово-паркинг“, кое од неодамна стопанисува со овој објект, велат дека паузата е искористена да се изврши техничкиот сервис и да се исчисти објектот, по што се подготвени да продолжат со работа.
Директорот Сашо Петрушевски најавува дека во базенот ќе се инвестираат 10 милиони денари за вградување на фотоволтаици и топлотни пумпи, кои ќе ја зголемат ефикасноста при затоплување на водата, ќе ја намалат потрошувачката на енергенси и ќе го зголемат квалитетот на услугата.
„Интенција ни е во наредниот период да овозможиме базенот во делот на енергетската ефикасност да биде 100 отсто независен од гас и од струја. Мислам дека постапката е во тек и по нејзино завршување придобивки ќе ги почувствуваат граѓаните, клубовите и учениците во основни и средни училишта, кои го користат базенот“, изјави Петрушевски.
Тој потсети дека базените не се профитабилни и во развиените земји, и дека функционираат со помош на државата и општините, како што е и во нивниот случај.
Цените на влезниците остануваат исти и за граѓаните ќе чинат 150 денари за дневен билет и 3000 денари за цел месец.
Градскиот безен во Куманово престана да работи во октомври минатата година, поради високите сметки за струја и гас.
Зачленете се во нашиот клуб на читатели и најновите текстови ќе ги добивате на вашата мејл адреса
