Зачленете се во нашиот клуб на читатели и најновите текстови ќе ги добивате на вашата мејл адреса
Сточарите од селата Љубодраг, Умин Дол и Ново Село, денеска од 10 до 12 часот повторно го блокираа стариот пат Куманово - Скопје, барајќи да се сретнат со надлежните за да им објаснат зошто сакаат да ги уништат свињите кои не се позитивни на африканска чума.
„И покрај нашите апели никој од надлежните не не` удостои со своето присусутво. Ние не бараме кој знaе што само сакаме некој да дојде од Агенцијата за храна и ветеринарство и Министертсвото за земјоделство, и да ни кажат што да правиме. Остануваме на ставот дека не можат да ги уништата здравите свињи, бидејќи со тоа се уништува домашното производство на месо, на сметка на увозното“, вели Бобан Лазиќ, претседател на месната заедница.
Тој најави дека протестот ќе продолжи и утре, и наредните денови се до исполнување на нивните барања.
Протестот започна завчера, во знак на револт што од Агенцијата за храна и ветеринарство (АХВ) најавиле дека ќе ги уништуваат свињите што ги одгледуваат и покрај тоа што не се заразени од африканска чума. Тие обвинуваат дека целата постапка е многу нелогична, се соочиле со бројни проблеми и затоа бараат одлуката да се повлече.
Зачленете се во нашиот клуб на читатели и најновите текстови ќе ги добивате на вашата мејл адреса
