Промовирана книгата „Патот до мојата душа“ од Христина Алексовска

Во книгата се собрани седумдесетина песни, а авторката на неа работела околу две години.

 „Морав да го запишам она што го носев во душата, мислите кои се роеја во главата, па затоа веројатно книгата и песните се многу емотивни. Целокупниот изглед на книгата го дотерував сама, уредував како ќе изгледаат страниците, маргините, на каква хартија сакам да е испечатена книгата, сликата на корицата. Конечно излезе се онака како јас посакував и имав замислено. Иако ми одзеде многу време, ми причинуваше огромно задоволство во секој сегмент од работата“, истакна Алексовска, која се уште ги сумира впечатоците од промоцијата.

Рецезент на книгата е младата поетеса Ана Љубиќ, а промотор Сузана Божиновска.

„Само вистинскиот поет може да ни го покаже патот до душата, до неговата, до мојата, до нашата...Ретко кој знае сам да се охрабри и да направи чекор напред, а авторката вешто знае сите мотиви да ни ги приближи, да не спои и да го опее и најмалото и најболното делче од овој живот“, стои во освртот на книгата на Ана Љубиќ.

Книгата е издадена со самофинасирање, со сопствени финансиски средства на авторката,во тираж од 300 книги.