Промовиранa веб страната на кумановската болница

На веб страната bolnicakumanovo.mk граѓаните ќе можат да се поврзат со системот “Мој термин“, да се информираат за новостите, конкурсите, тендерите, да остават критика или пофалба и да добијат многу други информации.

“Имаме чест на нашите ценети граѓани и пациенти да им ја претставиме веб страната на нашата болница. Тука имаме прикажано структура на нашата болница, нашите единици, “Мој термин“, опрема со која ќе располагаме. Со оваа веб страница мислам дека уште повеќе се доближивме до нашите сограѓани и мислам дека постапуваме согласно нашата примарна цел, сите здравствени услуги да ги пружаме овде, а не условно да трчаат пациентите во други градови за разни услуги“ - изјави директорот Ариф Латифи.

Преку веб страната јавноста навремено ќе добива информации за работата на болницата.

“Сите конкурси, известувања кои се поврзани со рокови ќе се презентираат на главната страна на болницата. Ќе бидат подредени според важност и според датум на истекување. Што поскоро се објавува веднаш добива приоритет за страницата“ - рече Шптим Латифи, задолжен за изработка на станицата.

Bolnicakumanovo.mk редовно ќе се ажурира со вести и информации, ветија од болницата.