Пукната цевка ја остави без вода населбата „Зелен рид“

Екипите на ЈП „Водовод“ Куманово веќе се на терен и се работи на отстранување на дефектот.

„Дефектот е пријавен во утринските часови по што екипите веднаш излегле на терен. Интензивно се работи, се надеваме дека до вечерните часови ќе се нормализира водоснабдувањето. Истечена е голема количина на вода, се работи за должина од околу 20 метри. Овој дефект не е поврзан со предходните проблеми со водоснабдувањето“, истакна директорот Оливер Стојмановски.

Населбата Зелен рид во Куманово е една од најголемите и најбројните по број на жители во Куманово.

Од пред неколку дена жителите на Куманово преку градскиот водовод добива само техничка вода, која не е за пиење, откако обилните врнежи од дожд ја заматија водата во браните Липково и Глажња.  За да се нормализира водоснабдувањето во градот се чекаат резултатите од анализита на вода од три независни лаборатории.