Самостојна изложба на Благојче Наумоски - Бане во Уметничката галерија во Куманово

Продукцијата е дел од серијалот „Урбани трансформации“, кој заеднички проект со неговата колешка Јехона Еридини.

На изложбата е работено во последните две години, а делата се нешто сосема ново од се она што досега авторот го работел.

„Овој проект се фокусира на деконструкција на елементи од урбаните структури, каде се издвојуваат и интерпретираат геометриските форми и волумените што го дефинираат брутализмот. Тој со своите моќни, монолитни и често минималистички форми, нуди богат визуелен јазик за интерпретација, преку кој со своите необработени конкретни форми, неукрасена функционалност и импозантно присуство, долго време ја плени мојата имагинација“, вели Благојче Наумоски Бане, во најавата за изложбата.

Благојче Наумовски-Бане е роден 1985 година во Кичево. Дипломира на Факултетот за ликовни уметности во Скопје, на педагошкиот отсек сликарство во класата на проф. Рубенс Корубин, а подоцна и мaгистирирa од областа на сликарството. Изложувал во Берлин, Њујорк, Отава, Љубљана, Париз, Прага, Виена, Хаифа, Приштина.

Изложбата „Енергија на светлината“ е вон програмски проект на НУ Музеј Куманово, а под покровотилство на Министерството за култура и туризам. Заинтересираните ќе можат да ја видат до 2 декември.