Зачленете се во нашиот клуб на читатели и најновите текстови ќе ги добивате на вашата мејл адреса
ЈП „Чистота и зеленило“ започна со расчистување на дивите депонии на периферијата на градот и во селските населби. Во Куманово има десетина поголеми депонии и уше четириесетина помали, во речиси секое населено место.
„Започнавме со расчистување на градските гробишта, потоа во селата Табановце и Горно Којнаре, а до крајот на неделата повторно ќе ја читиме и дивата депонија на влезот во населбата „Перо Чичо“, вели директорот Даниел Стојчевски.
Тој додаде дека во изминатите 3 месеци претпријатието чисти по околу 3 илјади тони смет од дивите депонии. Тој апелираше до граѓаните да ја подигнат еколошката свест и да го фрлаат ѓубрето во контејнерите.
„Во последната година ги имаме обновено сите садови за смет во центарот на градот и дополнително во секоја населба. Се работи за бројка од 900 садови. И речиси 90 проценти од населените места се покриени со нови садови, а во градот поставуваме подземни контејнери“, тврди директорот.
Тој апелираше и до инспекциските служби и СВР Куманово да се вклучат во санкционирање на несовесните граѓани, за да се зголеми степенот на хигиената на градот.
Зачленете се во нашиот клуб на читатели и најновите текстови ќе ги добивате на вашата мејл адреса
