Зачленете се во нашиот клуб на читатели и најновите текстови ќе ги добивате на вашата мејл адреса
Службите на на ЈП “Чистота и зеленило“ и денеска продолжија со чистење на снег од тротоарите и влезовите во институциите кои се наоѓаат во поширокото градско подрачје на Куманово.
Од претпријатието велат дека работите на терен започнале во сабота, а екипите биле мобилизирани и во недела. Вклучени се нешто повеќе од 60 вработени, заедно со сите расположливи машини. Се користи и средство против замрзнување, на сите исчистени површини.
„Скоро сите важни места во градот за движење на пешаците се исчистени и сме задоволни од сработеното. Со работа се продолжува, а досега од граѓаните добивме позитивни реакции,“ изјави Цветанка Ивановска, директорка на ЈП „Чистота и зеленило“.
Јавното претпријатие има обврскаа само да ги стави во функција двата плоштади, сите тротоари, постојки, пешачки премини, влезови пред важни институции, маркети, градинки и училишта кои се наоѓаат во центарот на градот, додека во населените места нема да се работи.
(Д.Д.)
Зачленете се во нашиот клуб на читатели и најновите текстови ќе ги добивате на вашата мејл адреса
