Се што е изградено во Куманово е од време на СДСМ, ВМРО со наведната глава треба да им се обраќа на кумановци, порачаа од СДСМ

„Ај што не помагаа и не инвестираа, туку ја буткаа општината во се поголеми долгови, оставајќи ја без инвестиции и било каква помош. Со еден збор кумановци не постоеја за ДПМНЕ и нејзината влада. И сега без нималку срам и образ кон граѓаните, говорат дека во Куманово не се инвестира, притоа заборавајќи дека во време на оваа Влада се изградени многу значајни проекти“, додаде Митрички.

Тој наброја повеќе проекти од областа на здравството, образованието, инфраструктура и социјалната заштита, кои се реализирани во изминатиот период. 

Нов ургентен центар, центар за жртви од сексуално насилство, апарат за рана дијагностика за оштетен слух кај новороденчињата, мамограф, адаптација и доградба на градинките Детелинка и Синоличка, реконструкција на училиштето Киро Бурназ и полициската станица, изградба на водоводна и канализациска мрежа, се само дел од проектите кои беа спомнати.

„Куманово денес е поврзано од сите страни. Реконструирани се сите мостови, рехабилитирани се сите регионални патишта, а само во последните 3 години се вложени над 28 милиони евра во рехабилитации на државни и магистрални патишта околу Куманово. Огромен број на проекти има од страна на Министерството за локална самоуправа ( над 80 мил денари) како и Министерството за финансии. Во време на СДСМ како локална самоуправа беше завршен булеварот „Трета МУБ“ , изграден е Градскиот кеј , 25 км. канализациона мрежам во вредност од 5 мил. евра, целосно реконструиран Градскиот плоштад, a денеска стоиме пред Градскиот базен кој исто така е изграден во време на СДСМ“, кажа Митрички, и најави дека неговата партија ќе продолжи да вложува во градот, заради создавање на подобри услови за живот по европските стандарди.