Ученици од Куманово освоија шест медали на Олимпијадата по ментална аритметика во Скопје

Во писмениот Никола Димитровски  освои втрор место, а Јаков Спиридоновски и Ива Цветковска се на трето место. Во менталниот дел најдобар беше Димитриј  Спиридоновски со освоено прво место, Никола Димитровски беше втор и Марко Крстевски се избори за третото место.

Наградените дечиња заминуваат на Интернационална олимпијада во Белград, која ќе се одржи на 18. јуни, а  ќе се натпреваруваат во конкуренција на 2000 деца од 13 земји.

На Олимпијата во Скопје учествуваа над 600 натпреварувачи од цела Македонија, на возраст од 5 до 12 години. Дечињата се натпреваруваа во две категории: писмен дел и ментален дел, распределени во 8 категории.

Олимписките игри привлекуваат голем интерес кај учесниците и јавноста, поради атрактивноста на натпреварот за ментални вештини. Натпреварувачите мора брзо да го пресметаат точниот резултат, исклучиво напамет – без никакви помагала (хартија, молив или дигитрон). Една од најинтересните дисциплини е Анзан – натпревар во броење долга серија броеви кои се емитуваат на екранот со екстремно големи брзини: до 3 броја во секунда.