Синдикатот на полицијата обвинува дека поради мобинг млад полицаец ја напуштил работата

Се работи за млад и чесен припадник на полицијата, којшто учествувал во извршување на најсложени полициски задачи, а истовремено бил ангажиран и како припадник на Посебната идиница на при СВР Куманово, при што во сите негови ангажмани покажал висок степен на професионалност и посветеност во работењето, соопштуваат од Синдикатот.

   „Нашиот колега без никаков повод и причина и без никакво образложение првин од неговото работно место како полицаец во ПС од ОН Куманово, со незаконско решение бил распореден надвор од неговото регистрирано место на живеење како полицаец во полициско одделение Матејче, кое што се наоѓа во истоименото село во Општина Липково. Бидејќи на релација СВР Куманово – ПО Матејче, нема организиран службен превоз, а нема воспоставено ниту јавен превоз, колегата бил принуден со негово приватно возило да патува од и до неговото работно место поминувајќи во просек од околу 40 км во еден работен ден“, велат од Синдикатот.

     Тој поднел барање за надомест за патни трошоци, кое без никакво образложение му било одбиено.

    „Соочен со голем притисок, малтретирање и мобинг на неговото работно место, допринеле да кај колегата се јави висок степен на разочараност и демотивираност, по што истиот донел одлука за напуштање на МВР. Синдикатот најостро ги осудува сите погоре наведени форми на вознемирување, притисок и директен реванжизам и упатуваме отворен повик до МВР и Одделот за внатрешна контрола да го истражат целиот случај,  соопштува Синдикатот на полицијата на Македонија.