Зачленете се во нашиот клуб на читатели и најновите текстови ќе ги добивате на вашата мејл адреса
Центарот за развој на североисточниот плански регион, со проект за рентабилно работење на Прочистителната станица ќе аплицира за добивање на грант од 30.000 евра од Германското друштво за соработка ГИЗ РЕД.
Парите ќе бидат потрошени за изработка на техничка документација за изградба на атмосферска канализација, со што ќе се намали ризикот од поплави.
“Се надеваме дека до октомври ќе заврши оваа проектна документација и ќе почнеме да бараме донатори за градба. Инаку проектот беше едногласно усвоен поради тоа што во Куманово не постои атмосферска канализација, така што фекалната и атмосферската канализација се мешаат што придонесува за голем ризик од поплави и да пречистителната станицата во Доброшане работи нерентабилно. Се надеваме дека ова се првите обиди да воспоставиме атмосферска канализација во Куманово. Проектот е на општина Куманово, меѓутоа станицата има пошироко значење“ - изјави Младен Протиќ, раководител на Центар за развој на североисточен плански регион.
Од предложени 10 проекти, овој проект на регионален совет е избран за најдобар за аплицирање во ГИЗ РЕД. Договорот за финансиска конструкција ќе биде потпишан во средината на март.
Зачленете се во нашиот клуб на читатели и најновите текстови ќе ги добивате на вашата мејл адреса
