26. 03. 2020 21:23

Следната недела донација од 500 илјади маски и 20 илјади тестови, реагенси за тестирање на коронавирус

Следната недела донација од 500 илјади маски и 20 илјади тестови, реагенси за тестирање на коронавирус

 Во текот на следната недела како донација треба да пристигнат 500 илјади маски и 20 илјади тестови, како и реагенси за тестирање на вирусот, информира министерот за здравство Венко Филипче.

„Денеска имав состанок со амбасадорката на САД, Кејт Мари Брнз, на којашто и се заблагодарив за поддршката што во изминатиот период ја даваа за осовременување на лабораторијата во Институтот за јавно здравје и сега таа е централна институција во нашата земја, во којашто се вршат тестирања, многу значајни во овој момент за државава. Добивме одговор и од повеќе донатори преку норвешката влада за респираторни машини, тие на почетокот на април ги очекуваме во нашата земја. Дополнително, одговор најавуваат и од амбасадата на Кина, една донација која ние ја побаравме веќе пред неколку недели и најавија претставниците на Амбасадата дека во следните денови ќе добиеме дефинитивен одговор. Во текот на следната недела како донација треба да пристигнат и 500.000 маски и 20.000 тестови-реагенси за тестирање на вирусот“, потенцираше министерот Филипче.

2008 - 2019 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk