Зачленете се во нашиот клуб на читатели и најновите текстови ќе ги добивате на вашата мејл адреса
Продолжи собирањето на потписи на Градскиот плоштад во Куманово, заради повлекување на Законот за попис. Членовите на Социјалистичка партија во Македонија, - огранок Куманово, денеска дадоа поддршка на оваа иницијатива.
Извршниот секретар на партијата и претседател на општинската организација Куманово, Жарко Милошевски изјави дека социјалистите низ целата држава активно се вклучени и ја поддржуваат оваа граѓанска иницијатива и се надева дека овој граѓански активизам ќе придонесе да се спречи фингираниот попис кој што власта планира да го спроведе.
„Социјалиситите од Куманово масовно ја поддржаа граѓанската иницијатива за собирање на потписи за спречување на Законот за попис. Пописот треба да се спроведе и потребен е на Македонија меѓутоа според препораките на ЕУРОСТАТ и треба да биде статистичка, а не политичка операција. Ги повикува сите граѓани, да излезат масовно и да го дадат својот потпис на граѓанската иницијатива“, изјави Милошевски.
Тој додаде дека она што го одбележа денешниот ден на собирањето потписи е масовното присуство на СПМ со своето членство и поддршка на коалициониот партнер ВМРО-ДПМНЕ.