Сребрен медал за јуниорите на Пинг - понг клубот "Куманово"

Екипата ја сочинуваат Јаков Кузмановски, Јаков Јакимовски, Стефан Станковски и предводникот на овие млади пинпонгари Андреј Васевски. 

Во финалниот натпревар загубиле од тимот на ППК „Крива Паланка“ со 3:1. Играта на моменти била изедначена и неизвесна, но победата им припаднала на поискусната екипа во овој момент.

„Благодарност до натпреварувачите, кои упорно работеа и веруваа во онаа што го работиме. Јас како тренер на овие млади пинпонгари можам во целост да бидам задоволен од постигнатото во оваа сезона, бидејќи во голем дел ги постигнавме зацртаните цели но јасно е дека секогаш може подобро. Подолжуваме понатаму“, изјави тренерот на Пинг понг клуб „Куманово“ Мики Трендафиловски.

На турнирот учествуваа четирите најдобри екипи од дванаесет кои членуваат во националната лига.

До крајот на сезоната преостанува уште учеството на Андреј Васевски на ТОП 8 во Штип, каде ќе настапат осумте најдобри јуниора во државата.

На овој натпревар му претходело националното првенството за јуниори од 10 до 16 години што започнало во октомври минатата година. По одличниот старт во првите кола на лигата, екипата од Куманово останала без еден од клучните играчи.За брзо време ја консолидирале екипата  и првенствот го завршуваат на второ место во Државната јуниорска лига.