Зачленете се во нашиот клуб на читатели и најновите текстови ќе ги добивате на вашата мејл адреса
Горан Стојковски, в.д. директор на ЈП „Водовод“ си заминува од претпријатието. Според наши информации, Стојковски од поодамна поднел оставка на функцијата, но ќе остане до крајот на септември кога му завршува 6 месечниот договор како в.д. директор.
Toj за Кумановоњус ја потврди информацијата, но не сакаше да ги каже причините за повлекување од функцијата.
„Јас два мандати го водев претпријатието и мислам дека беше доволно. На јавното претпријатие му треба нова сила, нова енергија, нови идеи“, одговори кусо во телефонскиот разговор Стојковски.
Неофицијално и покрај добрата соработка со градоначалникот Максим Димитриевки, причината за заминувањето се непремостиви разлики со локалното раководство на СДСМ.
Стојковски беше назначен за прв човек на ЈП „Водовод“ во септември 2013 година од градоначалникот Зоран Дамјановски, со цел да ја стабилизира работата на претпријатието кое тонеше во долгови.
Тој ќе ја продолжи кариерата во приватен сектор.
За наследник на Стојковски, неофицијално се смета на првиот соработник на Димитриевки и поранешен директор на ЈП „Чистота и зеленило“, Даниел Стојчевски.
Зачленете се во нашиот клуб на читатели и најновите текстови ќе ги добивате на вашата мејл адреса
