Странски волонтери држат курсеви за јазици во ЦИД

Кусевите се бесплатни и сите заинтересирани можат да се вклучат и да изучуваат еден од светските јазици.

“Има часови за почетници и за оние кои веќе имаат предзнаења. Со возраст не ги ограничуваме луѓето и можат да се вклучат сите од 7 до 77 години, сите кои сакаат да научат нешто ново. Има голем интерес и секој што е заинтересиран е добредојден во ЦИД“ - вели Александра Цветковска, координатор на волонтери во ЦИД.

И претходно оваа невладина организација со помош на странските волонтери дојдени на размена, организираше курсеви за изучување на странски јазици.