Зачленете се во нашиот клуб на читатели и најновите текстови ќе ги добивате на вашата мејл адреса
Над 210 илјади денари се собрани од хуманитарниот концерт на Фондација Елеуса ,,Звукот на човечноста“ кој синоќа се одржа во Струмица, а парите се наменети за лекувањето на четиригодишната Теодосија Лазаревска од Куманово.
Струмичани донираа и преку купување билет за концертот, но и на пунктот поставен за таа намена, и со тоа повторно ја покажаа својата хуманост на дело - да се подаде рака и да се помогне кога е најпотребно, пренесува порталот Дрнка.мк.
На концертот настапиле ученици од средните и музичкото училиште, и тоа вокално инструменталниот состав „Стихири, бендовите на СОУ „Јане Сандански „Никола Карев“ и „Димитар Влахов“, како и младите од ОМУ ,,Боро Џони“ од Струмица. Тие на сцената во НУЦК ,,Антон Панов“ преку музика апелираа на хуманост и заедништво што доволно покажуваат и фотографиите објавени од Фондацијата Елеуса.
Теодосија овие денови треба да замине на лекување во Турција, па голем број на граѓани во земјава и странство се мобилизираа да помогнат.
Граѓаните ја покажуваат својата хуманост и кон деветгодишната Ана Аргировска која боледува од ретка болест, а се опоравува на турска клиника по извршена трансплантација на коскена срцевина.
Во Куманово се уште нема организирана иницијатива на невладини организации, здруженија или, пак, од општинската Фондација за култура, за организирање на концерт или сличен јавен настан за да се помогне на семејствата на двете девојчиња.
Зачленете се во нашиот клуб на читатели и најновите текстови ќе ги добивате на вашата мејл адреса
