Зачленете се во нашиот клуб на читатели и најновите текстови ќе ги добивате на вашата мејл адреса
Здружението на армиски и полициски ветерани од активен и резервен состав (ЗАПВАРС) и годинава ја организираше традиционалната Свечена академија по повод загинувањето на народниот херој и легендарен командант Христијан Тодоровски - Карпош. Оваа година се навршуваат 79 години од загинувањето на Карпош.
Академијата се одржа во Занаетчискои дом Куманово, со пригодна културно-уметничка програма и читање на литературни творби. Во чест на големиот херој беше презентиран и документарниот филм за Карпош - славниот командант од Козјачкиот партизански одред.
Пред присутните се обрати градоначалникот Максим Димитриевски, кој потсети дека Куманово било дел од НОВ, а нашите предци се вклучиле во борбата за слобода, но и во борбата за човековите права.
„Наша обврска е да ги чествуваме нивните датуми, бидејќи тие се втемелија во нашата државност. Куманово денеска е слободно и ние сме горди на тоа. Да се почитува туѓото но и да се негува своето“, кажа Димитриевски.
Христијан Тодоровски Карпош е роден на 3 септември 1921 година во Куманово, а загинал на 7 февруари 1944 годинаво с. Билјача, Србија во битка против бугарскиот окупатор.
Зачленете се во нашиот клуб на читатели и најновите текстови ќе ги добивате на вашата мејл адреса
