СВР:Граѓаните да внимаваат на кражби и измами

Бидејќи времето се стоплува и фреквенција на луѓе се зголемува, се препорачува граѓаните да бидат претпазливи каде ги носат паричниците и  чантите, а истовремено да не наседнуваат на измами со ефтино огревно дрво  и слично.

“Секоја година со доаѓањето на топлото време има кражби на паричници, чанти, пари од џебови, измама на повозрасните граѓани. Би сакала до граѓаните да упатам апел за поголема будност и внимание, во однос на тоа како ракуваат со пари, каде ги носат паричниците и да не наседнуваат на измами како продажба на предмети кои вредат за ефтини пари. Тоа се однесува на лажен златен накит, купување на огревно дрво, наседнување на приказни дека се нивни роднини и итно им требаат пари кои ќе ги вратат“ - вели Виолета Богдановска од отсек за превенција во СВР Куманово.

Богдановска вели дека овие измами се чести на почетокот на месецот, кога постарите луѓе земаат пензија.