“Т - Мобиле“ донираше 5.000 евра за “Порака наша“

  - Како компанија оваа година ја посветивме на помош на овие лица. Куманово е еден од трите градови во кои што ќе помогнеме на овие организации за престој на лица со интелектуална попреченост. И во иднина се надеваме дека ќе бидеме драги гости во оваа просторија и дека сретствата ќе бидат искористени на најдобар начин - кажа Димитар Ковачевски, директор за комуникации во “Т-Мобиле“.

Од “Порака наша“ велат дека оваа помош е од витално значење за нивните корисници.

  - Ние сме во таков кризен период што ова ни е од животно значење. Сакам да се заблагодарам, бидејќи дадоа поддршка на една маргинализирана група на граѓани. Со тоа  овозможуваат овие луѓе да живеат достојно - рече Благица Димитровска, претседател на  „Порака наша“.

Димитровска апелира и другите компании доколку се во можност да донираат и да им го олеснат функционирањето.