Тече пријавувањето за првоаприлскиот маскенбал

Во Центарот за култура Трајко Прокопиев во тек е пријавувањето за првоаприлскиот маскенбал за деца и средношколци. Конкурсот е отворен до четврток за сите заинтересирани, кои имаат поединечни и групни маски. Манифестацијата ќе се одржи во недела на 1 април, во големата сала на Центарот за култура. Водител на манифестацијата ќе биде познатиот детски водител Ивце Пивце.

Првоаприлскиот маскенбал успешно се организира со години наназад и предизвикува голем интерес кај децата. За најдобрите маски следуваат награди.