Зачленете се во нашиот клуб на читатели и најновите текстови ќе ги добивате на вашата мејл адреса
Пет нуркачки тимови на Специјалната антитерористичка единица „Тигри“ и еден тим на Дирекцијата за заштита и спасување, заедно припадници на СВР Куманово, го пребаруваат дното и брегот на акумулацијата Глажња во потрага по исчезнатиот Ф.Р.(30) од селото Никуштак. Потрагата трае повеќе од 36 часа, но се уште нема резултати.
„Сите државни ресурси се максимално ангажирани и употребени во случајот. Десет лица, поделени во 5 тима од единицата „Тигри“ се единствените кои имаат сертификати за нуркање на големи длабочини. Исто така туке е и еден тим од ДЗС кој помага во потрагата. По еден чамец од двата тима го обиколуваат брегот во потрага. Правиме се што можеме и што налага протоколот за вакви ситуации, иако потполно го разбирам нетрпението на семејството“, изјави Стојанче Ангелов, директор на ЦУК.
Во денешната потрага повторно е употребен подводен дрон на здружението Еко-турист од Охрид, кој се пребарува езерското дно. На тимот пребарувачи ќе им се приклучат и 8 нуркачи од специјална единица на АРМ „Волци“.
Езерото Глажња зафаќа површина од 96,5 ха, но има голема длабочина од 40-50 метри. Затоа и во потрагата се ангажирани „најдобрите од најдобрите“ како што ги категозираат надлежните трагачите, додаваат од ЦУК.
Исчезнувањето на Ф.Р. (30) од селото Никуштак е пријавено во ПС Матејче во недела, на 30 јули околу 13.30 часот, бидејќи не се вратил подолг период откако влегол да се капе во вештачкото езеро Глажња.
Зачленете се во нашиот клуб на читатели и најновите текстови ќе ги добивате на вашата мејл адреса
