Зачленете се во нашиот клуб на читатели и најновите текстови ќе ги добивате на вашата мејл адреса
На Градскиот плоштад во Куманово утре/вторник/ со почеток во 17.30 часот ќе се одржи голема трибина во рамки на акцијата „Ова е Македонија за сите“.
На собирот освен партиски членови од локалниот огранок се очекува да дојде и највисокото партиско раководство. Се очекува голема посетеност, не само од активисти на партијата туку и од сите заинтересирани граѓани.
„Трибината ја планираме да допре до поширок круг на луѓе. Ќе има видео-бим, планирани се амфитеатарски поставени околу 300 места за седење. Сите заинтересирани граѓани и медиуми се поканети на настанот“, изјави Бобан Николовски,претседател на ОК на ВМРО-ДПМНЕ Куманово.
На граѓаните ќе се обратат лидерот Христијан Мицковски, потпретседателот Владо Мисајловски, пратеникот Бране Петрушевски и претседателот Бобан Николовски. На актуелни теми ќе зборуваат и млади, надежни спортисти и жени од редовите на ВМРО-ДПМНЕ.
„Тука сме да ги понудиме нашите решенија, тука сме да се погледнеме во очи со се она што е реализирано во изминатиот период и тука сме да ја вратиме надежта кај нашите сограѓани, да им кажеме дека може поинаку и многу подобро од оваа наметната апатија“, кажа Николовски.
Зачленете се во нашиот клуб на читатели и најновите текстови ќе ги добивате на вашата мејл адреса
