Трио Џентлмен вечерва со настап пред Центарот за култура во Куманово

Станува збор за  музички состав од тројца професионални оперски пејачи, Дејан Стоев – тенор, Кристијан Антовски – баритон и Јане Дунимаглоски – тенор, кои ја освојуваат публиката со а популарни македонски и светски хитови.

„Сите членови на триото имаат посебна специфика во својата изведба како модерна уметничко-сценска атракција. По примерот на светските поп-класични состави, настапуваат со репертоар на кој, освен класичните композиции, се наоѓаат и најголемите светски поп-хитови изведени во поп-класичен манир, наполитански канцони, шпански песни и, секако песни од македонското творештво“, истакна Александар Митрички,музички соработник во Центарот за култура.

Концертот е од отворен тип,не се наплаќаат влезници и на него можат да присуствуваат сите заинтересирани граѓани.

Настанот е во организација на Центарот за култура и Општина Куманово.