Ученици од “Коле Неделковски“ во посета на “Наце Буѓони“

Учениците од двете училишта се натпреваруваа во фудбал, а електро активите разменија искуства за начинот на кој се изведува наставата.

 На работната средба ќе разговараат како се одвива наставата таму и овдека. Пред се целта е дружење, запознавање и создавање на нови пријателства помеѓу учениците и наставниците. Тука се опфатени сите и Македонци, Срби, Албанци, сите се заедно другаруваат и откако ќе заврши спортскиот натпревар децата ќе прошетаат низ градот за да го запознаат Куманово - изјави Лидија Михајловска, директорка на “Наце Буѓони“.

Двете технички училишта соработуваат од почетокот на оваа учебна година и кон крајот на мај ученици од “Наце Буѓони“ ќе го посетат училиштето “Коле Неделковски“.

- Тогаш ќе имаме промоција на туристички водич кој што се изработува заеднички. Таа промоција ќе биде во нашето училиште и ние ќе ги пречекаме учениците. Засега соработката е прекрасна, учествувавме во повеќе заеднички активности и денеска имаме две активности. Се надевам дека со соработката ќе продолжиме како и досега - вели Валентин Елисковски, директор на “Коле Неделковски“.

Овие училишта претходно организираа заедничко одбележување на верски празници со цел децата подобро да се запознаат меѓу себе.