Учениците во „Крсте“ и „Браќа“ следат настава со скратени часови во поплавени училници и без струја

„Поради неколкудневниот дожд руинираниот кров пропуштил вода, по што учениците во зимски услови се приморани часовите да ги следат во поплавено училиште. Освен ова, учениците ја следат наставата без електрична енергија поради опасност по животот на децата. Негрижата на МОН од една страна и градоначалникот од друга страна, доведе до ситуација децата второто полугодие да го продолжат во катастрофални услови. Во овој момент наставата се следи со намалено времетраење на часови и во студ. Ваквите услови во двете училишта се провлекуваат години наназад, па се чини дека градоначалникот воопшто и да не сака да ги реши проблемите во училишните згради. Родителите сметаат дека нивните најмили не треба да бидат изложени на вакви нехумани услови“,  велат од кумановскиот огранок на Левица .

 Од партијата го осудуваат ваквото неработење на градоначалникот и на МОН, апелираат итно да се преземат чекори како од централната, така и од локалната власт за решавање на овој проблем,  и побараа некој да поднесе одговорност.

Родители потврдија дека учениците веќе неколку дена имаат скратени часови во Основното училиште „Крсте Мисирков“ поради поплави во училниците.