Зачленете се во нашиот клуб на читатели и најновите текстови ќе ги добивате на вашата мејл адреса
Училиште во турскиот град Малатија, кој беше погоден од катастрофалниот земјотрес, ќе биде изградено со средствата собрани од македонските граѓани и ќе го носи името на нашата држава.
Црвениот крст и Црвената Полумесечина одлучиле собраните хуманитарни средства во износ од 50.909.796 денари, да се наменат за изградба на училиштето.
„Во акцијата е собрана донација на парични средства во вкупен износ од 63.380.807 денари. Oд собраните средства, 12.427.334 денари, се испратени на сметката за Меѓународната федерација на Црвениот крст и Црвената полумесечина, за помош на настраданото население во Сирија“, соопшти Црвен крст.
Новото училиште ќе го носи името на Македонија, а 32 училници ќе ги носат имињата на градовите на нашата држава. Овој акт ќе остави траен белег и доказ за солидарноста на граѓаните на РСМ кон граѓаните на Република Турција.
Покрај парична и техничка помош, во извлекување на повредените учествуаа и пожарникари од целата земја, меѓу кои и екипа од Куманово.
Зачленете се во нашиот клуб на читатели и најновите текстови ќе ги добивате на вашата мејл адреса
