Зачленете се во нашиот клуб на читатели и најновите текстови ќе ги добивате на вашата мејл адреса
Повозрасна жена од Куманово вчера пријавила во полицијата дека е измамена при набавка на огревно дрво. Таа е само уште една жртва на изманици, кои оперираат низ градот и населбите и се претставуваат како продавачи на огревно дрво, при што целна група им се постарите кумановци.
„Седумдесет и шестгодишната жена, вчера во 17:15 часот пријавила дека била измамена од едно лице за сума од 7.000 денари. Според пријавеното, лицето и понудило огревни дрва за поевтина цена на што таа се согласила и му дала половина од договорената сума, а другиот дел се договориле да му ги исплати откако ќе ги донесе дрвата. Лицето ги земало парите, но дрва не ѝ донело“, соопшти СВР Куманово.
Оттаму додаваат дека се преземаат мерки за расчистување на случајот.
Во изминатите неколку месеци се регистрирани повеќе вакви случаи, а нема информација дали некој од изманиците е откриен.
Зачленете се во нашиот клуб на читатели и најновите текстови ќе ги добивате на вашата мејл адреса
