Владата со своите младински политики постигна видливи и мерливи резултати, кажа Коцевска

Таа вели дека младинските политики кои ќе донесат подобра иднина ќе бидат креирани заедно со младите, а постигнатите резултати кои се видливи и мерливи и станале вистински и искрен партнер на младите.

Според неа, Владата предводена од СДСМ во изминатите години реализирала низа мерки и младински политики, со кои се подобрил статусот на младите луѓе во сите сфери од општественото живеење.

„Намалена е невработеноста кај младите, младите луѓе добија можност да се вклучат во процесите на одлучување и да креираат општество по сопствена мерка, со програмата гаранција за млади, со која Македонија е единствената држава надвор од ЕУ во која се спроведува оваа мерка, младите се вклучија на пазарот на трудот. Со стапка на успех од 41 процент, што е за 10 отсто повисоко од европскиот просек, само минатата година повеќе од 18.000 млади луѓе беа дел од програмата.За прв пат во историјата на нашата земја донесен е Законот за младинско учество и политики, со кој се дефинирани формите на младинско учество и претставување, отворање на младински центри, канцеларии за млади, службеници за млади, буџет, сервис и политики за млади. Воведен е младински додаток, грантови за млади земјоделци и поддршка за информатичка технологија и дигитални вештини. Идните академски граѓани добија субвенциониран студентски оброк.Над 2.700 студенти – корисници на стипендија, добиваат двојно повисоки стипендии. Реновиран е студентскиот дом „Гоце Делчев“, а во тек е реконструкцијата на „Пелагонија“ и „Кузман Јосифоски-Питу“, додаде Коцевска, која уверува дека со своите политики СДСМ секогаш ќе го слуша гласот на младите луѓе.