Зачленете се во нашиот клуб на читатели и најновите текстови ќе ги добивате на вашата мејл адреса
Од општинскиот комитет на ВМРО-ДПМНЕ Куманово, денеска на прес-конференција го обвинија градоначалникот Зоран Дамјановски дека и по 11 години од неговото владеење градот се дави во смет.
Прес-конференцијата ја одржаа на влезот од населбата Перо Чичо, каде има дива депонија. Рекоа дека дивите депонии даваат лоша слика за Куманово и се сериозно жариште за појава на заразни болести.
Тука на ова место стана пракса Дамјановски да се појавува еднаш годишно за да потсети на неговите 11 годишни неисполнети ветувања и да ја повтори лагата дека конечно ќе се решел проблемот. Наместо трајно решавање на проблемот со дивите депонии и нечистотијата во градот, Дамјановски се обидува со една акција за чистење во годината да прикаже дека е поставен за решавање на овој сериозен проблем. Граѓаните на Куманово секој месец плаќаат за собирање на смет и чистење на градот и според тоа е потребно Зоран Дамјановски и неговите соработници во јавните претпријатија да организираат постојано да се собира смет во градот - изјави Валентина Јовановска од ОК на ВМРО-ДПМНЕ Куманово.
Таа вели дека Дамјановски е пример како не треба да функционира еден градоначалник.
Зачленете се во нашиот клуб на читатели и најновите текстови ќе ги добивате на вашата мејл адреса
