ВМРО-ДПМНЕ:Во Куманово се ветува, ама не се исполнува

Велат дека градот е нечист, на многу места нема улично осветлување, а кучиња скитници се шетаат на Градскиот кеј.

Лошото управување со општината е во делот на расчистување на ѓубрето и сметот што се прават околу контејнерите, на кејот на реката и централното подрачје. Запуштени градски и приградски зелени површини, направени природни змијарници од голема трева која никој не ја коси во околината и ѓубре, пластика на сите страни. Коритото на реката Кумановка кај кеј е полно со смет и се шири непријатна миризба. Шеталиштето покрај реката на кејот е во катастрофална состојба, испокршени бекатони и големи дупки - вели Никола Перовиќ од УМС на ВМРО-ДПМНЕ.

Младите од ВМРО-ДПМНЕ велат дека Стариот градски парк и Соколанскиот парк, како и делот пред Центарот за култура не се одржуваат воопшто и тревата е исушена.