Во КУД “Карпош“ сами си изработуваат народни носии

 Носиите ги шијат во сопствена работилница, а за изминатите пет години, колку што постојат, направиле повеќе од сто комплети, машки и женски носии.

“Работиме двајца луѓе, плус уште неколку девојчиња сакаат да везат и ни помагаат. Колку време ќе работиме на една носија зависи од материјалот и од везот. Четиринаесет комплети направивме за два месеци, а се случувало и една носија да ја правивме една недела. Веќе нема ткаено, и овие носии на некој начин се копија. Ниту една носија немаме купено, и има многу родители, баби, дедовци кои ни подариле стари носии за да не им стојат дома по сандаци и да се уништуваат“ - вели Слаѓана Стефановска, костимограф во КУД„Карпош“.

Ансамблот има кумановски, врањски носии, носии за ората “копачија“ и “пирин“.