Во Куманово 50 заболени од грип

 Тоа е мала бројка за овој период од годината, а кулминација на грипот се очекува во наредните два месеци, предупредуваат лекарите.

Засега нема зголемување на бројот на заболени, меѓутоа праксата покажала дека по завршување на зимскиот распуст во јануари бројот може драстично да порасне- вели Јадранка Стаменковска, епидемиолог во Центарот за јавно здравје.

Лекарите ја следат состојбата на терен и препорачуваат граѓаните превентивно да делуваат со провертување на просториите во кои подолго престојуваат и да избегнуваат масовни собирања.

Во Куманово 1400 граѓани се вакцинирале против грип.