Во Куманово ќе спроведе дезинсекција против комарци на застоени води

Третманите ќе се изведуваат на следните локации: Речица, Индустриска улица, Клечовце, место викано Бара – Ајдучка чешма, по течение на река Којнарка и Кумановка и локацијата Толи Зордумис.

Во вторник / 11 јули/ од полноќ ќе биде извршена адултицидна дезинсекција, против возрасни форми на комарци. Третманот ќе се врши на територијата на Општина Куманово.

Доколку временските услови не дозволат да се извршат третманите, истите ќе се одложат за наредниот ден.

Ваквата дезинсекција се изведува два пати годишно во неколку фази. Дополнително се врши и авионска дезисенкција, а последното прскање против комарци беше спроведено пред околу 3 недели.

За извршување на овие услуги општината издвојува нешто повеќе од 2,2 милиони денари, на две фирми-вршители на услуга со кои има склучено договори.