Зачленете се во нашиот клуб на читатели и најновите текстови ќе ги добивате на вашата мејл адреса
Денот на раѓањето на македонскиот револуционер Гоце Делчев, 4 февруари беше одбележан во кумановската Гимназија која го носи неговото име.
Пред бистата на Гоце Делчев, цвеќе положија претставници од училиштето, градоначалникот и делегација од Советот на Општина Куманово, претставници од политички партии, здружение на воени ветерани и друштво на писатели.
„Денеска одбележуваме 149 години од раѓањето на големиот револуционер, мислител и народен учител Гоце Делчев и 67 години како нашата гимназија го носи неговото име. Во духот на мислата на нашиот патрон, ние вработените и нашите ученици, животот и училиштето го разбираме како поле за натпревар во знаење, другарство, пријателство, меѓусебно почитување и хуманост. Нашето училиште го одбележа празникот согласно сите протоколи“, изјави професорката по македонски јазик Соња Тодоровска.
Пред присутните ученици прочитаа творба во чест на народниот учител.
(Д.Д.)
Зачленете се во нашиот клуб на читатели и најновите текстови ќе ги добивате на вашата мејл адреса
