Зачленете се во нашиот клуб на читатели и најновите текстови ќе ги добивате на вашата мејл адреса
Во понеделник ќе започне теренската вакцинација провид ковид-19 за жителите во општината Старо Нагоричане.
Вакцинацијата ќе ја вршат тимови од Здравствениот дом Куманово, кои доставија список на селата и местото каде ќе се спроведува вакцинирањето на населението.
Во понеделник ќе се вакцинираат жителите на селата Старо Нагоричане, Никуљане, Стрновац и Челопек во старото училиште во Старо Нагоричане, од Алгуња, Татариновац и Сејдинце во училиштето во Алгуња, од Драгоманце, Добрача, Коинце, Пузаљка и Врачовце во училиштето во Драгоманце, додека од Пелинце и Враготурце во селското училиште во Пелинце, во период од 8 до 14 часот.
Во вторник селаните од Арбанашко, Малотино, Рамно, Мгленце, Буковљане, Длабочица, Дејловци, Цветишница ќе се вакцинираат во училиштето во Арбанашко, а од Жегљане, Степанце и Кокино во караулата во Жегљане, додека од Бајловце, Жељубино, Аљинце и Осиче во училиштето во Бајловце, а од Облавце, Макреш, Канарево, Орах, Ругинце и Дренак во училиштето во Облавце.
Во среда жителите на Младо Нагоричане, Војник и Стрезовце ќе се вакцинираат во Домот во Младо Нагоричане од 8 до 14 часот.
Од Министертсвото за здравство информираа дека со теренската имунизација ќе се опфати населението во руралните подрачја, кои што немаат можност да се пријават електоронски и живеат далеку од центрите за масовна имунизација.