Во Режановце се поставуваат цевки за канализација

Откако завчера мештаните ја блокираа изградбата на пругата Куманово-Бељаковце, вчера е постигнат договор со фирмата подизведувач и Македонски железници.

Ние купивме цевки во должина од 42 м и заштитна цевка, а тие набавија цевки во должина од 50 м и работат. Ако запрат со работа, ние ќе го активираме протестот и нема да дозволиме да градат - вели Зоран Крстевски, претседател на месна заедница во село Режановце.

Крајна цел на мештаните е селото после долги години да добие канализација. Режановце има 200 куќи во кои живеат 1000 жители.